الليلة البشائر جات بالعزة والفرحة

رفت بروق الفال جانا الخبر من طي

قالو العيال راكزين سووا النجيض مو ني

شالوها حمرة عين ختوا الوسم بالكي

شدوا البدين ركبو جابوا النعام مرحات

ناسا كرام طيبين يلقوا الضيوف برا

ساعة الغضب حارين زي وطية الجمره

من رهبتهم بتلين تتفتت الصخرة

ديل المحيط ياناس الاصلوا مابنقاس

التوه العوام وغرق الغطاس

فراس عيال فراس ورثوا الكرم ميراث

مابخش قلوبهم خوف حاشاهم العوجات

يوم يضرب الروراي والحر تحر بالحيل

اتحكروا الجنيات بي فوق ظهور الخيل

منو البقيف قدام عاتي الرياح والسيل !!

ماسمعنا بي صقراً مكتول فراخ الوز

الله اكبر الله اكبر الله اكبر

____________

*للانضمام لـ (مُهرة 13)*

https://chat.whatsapp.com/EBXKrjGQPSXB6gcvg8UoAT