*مريض سُكّر فقد الوعي…أديهو جلكوز ولا إنسولين؟ ولييه؟*
➖🟢➖
*مُهرة نيوز*

#قبل ما نجاوب اسأل نفسك في الحالة دي
شنو الأخطر؟ السكر العالي ولا الواطي؟
السكر الواطي (Hypoglycemia) أخطر من العالي (Hyperglycemia)..
#ليه؟
لأنو السكر الواطي بيأثر على المخ مباشرة، ولو ما اتلحق الزول ممكن يدخل في غيبوبة ويمـ.وت.
#طيب نعمل شنو لو لقينا زول سُكّر فقد الوعي؟
ما حتعرف حالتو شنو بالضبط (يعني سكر عالي ولا واطي)، خصوصاً لو ما عندك جهاز تقيس بيهو.
لكن في الحالة دي اديهو جلكوز فوراً وما تديهو إنسولين نهائياً.
#لييه؟
لو الزول ده عندو هبوط في السكر (Hypo) وأنت أديتو جلوكوز؟
عملت الصح… السكر حيرتفع ويصحى بإذن الله.
لكن لو أديتو إنسولين؟
هنا الخطأ الكبير… لأنو الإنسولين حينزل السكر أكتر، وممكن يمـ.وت من نقص السكر في الدم.
#طيب ممكن واحد يسألني ويقول لي: لو الزول ده كان سكره عالي (Hyper) وأديتو جلوكوز بالغلط؟
ما حيمـ.وت، حيرتفع السكر أكتر شوية، لكن نقدر نعالجو بعدين بالإنسولين تحت إشراف طبي.
#خلاصة_الكلام:
لما تكون ما متأكد، وإتعاملت مع الحالة على إنو Hypo، فإنت بتختار الأمان أولاً، لأنو الـ Hypo أخطر وأسرع في التدهور.
#وأهم نقطة:
لو أديت زول جلكوز وهو Hyper = مافي خطر مباشر
لو أديت زول إنسولين وهو Hypo = ممكن يم*وت فوراً.

البوست دا مهم شديييييييييد، لأنو فقدان الوعي عند مرضى السكر بقا شائع جداً، لذلك بتمنى منك بعد تقرأ البوست تشاركه عشان غيرك يستفيد.
____________
*للانضمام لـ (مُهرة 13)*
https://chat.whatsapp.com/EBXKrjGQPSXB6gcvg8UoAT